Frattini: Në 2010 Shqipëria përfiton nga heqja e vizave

[aurel]

Ministri i Jashtëm i Italisë, Franco Frattini është i bindur se në vitin 2010 Shqipëria do të përfitojë nga liberalizmi i vizave.
Shefi i diplomacisë italiane e bëri këtë deklaratë pas një takimi që pati ne Romë me homologun shqiptar, Ilir Meta. Gjate këtij takimi Italia rikonfirmoi mbështetjen e saj të plotë për perspektivën evropiane të Shqipërisë.

Frattini deklaroi në konferencën e përbashkët me Metën se: "Për sa i përket kësaj çështjeje, në mbledhjen e ardhshme të ministrave të Jashtëm të Bashkimit Evropian do të trajtoj sërish çështjen për paraqitjen e shpejtë të kërkesës së Shqipërisë në Komisionin Evropian për nisjen e procedurave përkatëse".

Shefi i diplomacisë italiane shpjegoi se "kjo procedurë mund t'i japë Shqipërisë statusin e vendit kandidat për anëtarësim në BE". Ai tha më tej se është në dijeni të një lloj ngurrimi nga një numër shumë i vogël vendesh anëtare, por se shpresonte që qëndrimi i Romës zyrtare të mbështetet nga shumica e vendeve anëtare të Bashkimit Evropian.