Aksidenti tragjik në Prezë, identifikohen viktimat

[aurel]

Identifikohen 3 nga 4 viktimat e aksidentit të rëndë të ndodhur pasditen e sotme në Fushë Prezë të Tiranës.
Beqir Hasani 35 vjeçar, drejtuesi i mjetit tip golf me targa Kosove 201 KS 929 ka gjetur vdekjen e menjëhershme pas përplasjes. Ramush Rushiti, 56-vjeçar dhe Hapa Rushiti, 58-vjeçare mbeten gjithashtu të vdekur në këtë aksident.

Konfirmohet se të katër viktimat janë shtetas kosovarë, ndërkohë që nuk është identifikuar ende njëri prej tyre.

Në makinën tjetër të përfshirë në aksident, me targa të Lacit LA 6562 A udhëtonin 2 të rinj të cilët janë plagosur dhe ndodhen jashtë rrezikut për jetën në Spitalin Ushtarak. Ata janë Genti Poga 23- vjeçar dhe Jani Doda 23- vjeçar. /BW/


Aksident në Fushë-Prezë, 4 te vdekur – dyshohet të jenë nga Kosova

Një aksident tragjik ka ndodhur të premten në rrugën e vjetër që lidh Tiranën me Rinasin, me pasojë vdekjen e katër personave dhe plagosjen e dy të tjerëve.

Fillimisht u fol vetëm për një të vdekur, ndërkohë informacionet e fundit bëjnë të ditur se edhe tre të lënduar që u nisen me urgjencë në spital mbërritën atje të vdekur.

Ndërkohë dy persona të tjerë Dalmian Doda dhe Gert Popa janë lënduar dhe po marrin ndihmën mjekësore në Spitalin Ushtarak.

Viktimat, dy burra dhe dy gra janë ende të paidentifikuar dhe dyshohet se ata janë nga Kosova.

Nga këqyrja e vendit të ngjarjes rezulton se një makine me targa të Kosovës dhe një tjetër me targa te Laçit janë përplasur me njëra-tjetrën në Fushë-Prezë.

Policia po heton për të zbardhur rrethanat në të cilat ka ndodhur aksidenti tragjik, por paraprakisht thuhet se shkak për përplasjen është bërë shpejtësia e madhe dhe kushtet e rënda atmosferike.