Ligji antiduhan, Vasili: Masa të rrepta për moszbatuesit

[aurel]

Shkarkim nga puna për të gjithë drejtuesit e institucioneve publike, si dhe mbyllje të aktivitetit për subjektet private, nëse nuk zbatojnë ligjin anti duhan. Kjo ka qenë deklarata e fortë e ministrit të Shëndetësisë Petrit Vasili, i cili është shprehur i prerë se nuk do të lejojë asnjë tolerim për të gjitha subjektet që nuk zbatojnë këtë ligj.
"Po ju them qartë dhe prerë, nëse ne institucionet shëndetësore shqiptare, në radhe të parë do ketë qoftë dhe një njeri të vetëm që pi duhan, problemi kryesor është vetëm një, drejtuesit e institucioneve lënë detyrën. Paralajmërimi, deri në mbyllje të aktiviteteve do të jetë për biznesin privat", tha Vasili.

Vetëm një javë më parë inspektorët e Inspektoriatit Sanitar Shtetëror, filluan një rigjallërim të ligjit antiduhan nëpërmjet kontrolleve në subjekte të ndryshme shtetërore dhe private. Nga kontrollet ndër të parat që u gjobit, me rreth 50 mijë lekë ishte drejtoria e QSUT-së.