Tragjedia shqiptare në Itali, Prokuroria zbardh motivet

[aurel]

Mosmarrëveshjet brenda familjes për konfliktin e krijuar me një tjetër familje shqiptare, janë shkaku i vrasjes së trefishtë në Pavia të Italisë. Prokuroria italiane zbardh motivin e vërtetë të tragjedisë, bazuar në rrëfimin e autorit Alfred Melyshi.
Sipas prokurorisë, shkaku që çoi autorin ti merrte jetën një fëmije 3 vjeç, nënës dhe tezes së saj janë mosmarrëveshjet që ai kishte me të vëllain dhe kunatën.

Sipas prokurorit të çështjes, Antoni akuzonte të vëllain Alfred Melyshi si shkaktar të një konflikti të krijuar me një familje tjetër shqiptare dhe për këtë arsye i kishte kërkuar atij largimin nga shtëpia ku jetonin prej vitesh bashkë.

“Ishte vullneti i zotit” është shprehur Alfred Melyshi u tha karabinierëve ndërsa ata e transportonin për në spital, pasi kishte kryer krimin makabër.

Lajmi për masakrën në Pavia të Italisë, ku kunati i mori jetën mizorisht mbesës së tij 3 vjeçare, nënës së fëmijës dhe motrës së saj, ka tronditur të afërm të familjes Melyshi.

Të shpërngulur nga fshatrat e thellë të Mirditës, zhvendosur në fshatin Sanxhak të Laçit vite më parë, familja Melyshi të dielën ka hapur dyert e zisë.

Ata nuk kanë dashur të prononcohen për çfarë ka ngjarë në familjen e tyre, por nuk dinë ti japin një përgjigje gjithë asaj që ka ndodhur pasditen e të shtunës.