Topi: “Shqipëria e madhe”, keqinterpretim

[aurel]

Kreu i shtetit shqiptar, Bamir Topi i ka cilësuar keqinterpretime ose interpretime dashakeqe deklaratat për “Shqipërinë e madhe”, ndërkohë që ka vlerësuar se rruga për integrim në BE është e gjatë dhe e vështirë, me një sërë reformash që duhen përmbushur më parë.
Gjatë një interviste për një televizion hungarez, presidenti ka sqaruar se institucionet e Shqipërisë dëshirojnë të shikojnë një shtet kosovar, në respekt të parimeve të multietnicitetit; të kufijve politikë-administrativë, duke forcuar kështu lidhjet e bashkëpunimit dypalësh.

"Çdo keqinterpretim për ndryshim të kufijve vjen ose si pasojë e moskuptimit, ose si pasojë e maliciozitetit, që ndonjëherë hedhin në lojë qarqet ekstremiste, të cilat kanë qenë shkaktare të turbullirave në rajonin ballkanik", ka thënë ai.