Shqipëri, arrin në 76 numri i të prekurve me A/H1N1

[aurel]

Deri të premten në mbrëmje, Instituti i Shëndetit Publik në Shqipëri ka raportuar plot 76 raste të prekurish me grip derri.
Nga analizat e ISHP-së, çdo ditë po raportohen raste të reja te gripit te derrave, kjo edhe për shkak të shpejtësisë së informacionit, menjëherë pas inaugurimit të laboratorit të virologjisë.

Brenda 24 orëve në këtë laborator ekzaminohen mbi 20 kampione, të cilët merren nga spitalet kryesore të vendit, poliklinika e qendra shëndetësore.

Ashtu siç kanë deklaruar edhe autoritetet shëndetësore, tashmë situata është në kontroll dhe përgjigjet jepen në një kohë shumë të shkurtër, ndërkohë që vendi aktualisht është përfshirë në fazën e pandemisë.