Greqi, pranga Alket Rizait, u arratis nga burgu me helikopter

[aurel]

Policia greke thotë se ka arrestuar Alekt Rizain, shqiptarin i cili u arratis nga burgu në fillim të këtij viti me një helikopter.
Alket Rizai i cili vuante dënimin për vrasje në burgun e sigurisë së lartë Koridhalosit të Athinës arriti të arratisej në mënyrë spektakolare me një helikopter së bashku Vasilis Paliokostas, të dënuar për grabitje banke. Arratisja ndodhi më 22 shkurt dhe shkaktoi furtunë në administratën e burgjeve.
Autoritetet greke thonë se kishin arrestuar Alket Rizain herët në mëngjesin e sotëm në veri të Athinës.

43 vjeçari Vasilis Paliokostas një prej krimineleve më të njohur në Greqi ende nuk është arrestuar.

Me 22 shkurt 2009, autoritetet e policisë kishin gjetur helikopterin te braktisur në periferi të Athinës, ndërsa piloti u gjet i lidhur dhe sytë te mbyllur me fasho. Në dëshminë e tij në polici kishte thënë se helikopteri ishte kërkuar nga një çift i cili kishte deklaruar se do të bënin një shëtitje. Helikopteri ishte marrë me qera nga çifti disa herë para se të ndodhte arratisja.

Për ngjarjen e ndodhur, gjykata dënoi me burg dy nga pesë gardianët e burgut Koridhalos të Athinës. Shefi i gardianëve u dënua me tre vite burg dhe gardiani i shërbimit me gjashtë muaj burg.

Kjo ishte hera e dytë që dy të dënuarit kishin arritur të arratiseshin nga burgu i sigurisë së lartë Koridhalosit. Herën e parë kishin arritur të largoheshin nga burgu i Koridhalosit në qershor të vitit 2006. Helikopteri që ishte ulur në ambientet u burgut arriti të mashtronte rojet të cilët mendonin se kishte ardhur një inspektor i burgjeve. Me ndihmën e gaz lotsjellësit të dy arritën të largoheshin të qetë. Të dy ishin arrestuar në gusht të 2008, për të arritur të shpëtonin sërish në shkurt të 2009.