Ngjarje historike për Shqipërinë

[aurel]

Kryetarja e Kuvendit të Shqipërisë, Jozefina Topalli ka përshëndetur nga OKB-ja - ku ndodhet në mbledhjen e Unionit Ndërparlamentar - vendimin e Këshillit të Ministrave për pranimin e kërkesës për statusin e vendit kandidat në BE.
“Ky është lajmi më i mirë. Është një ngjarje historike. Miratimi nga Këshilli i Ministrave i kërkesës së Shqipërisë për statusin e vendit kandidat, do të thotë që Shqipëria është përgëzuar, është vlerësuar në mënyrë të veçantë për zgjedhjet e 28 qershorit si zgjedhje që plotësuan kërkesat kryesore të OSBE-së”, ka thënë ajo.

Kjo, sipas saj, është çështja për të cilën Këshilli i Ministrave nuk e mori këtë vendim para 28 qershorit, ia la Shqipërisë dhe shqiptarëve si një provë të rëndësishme të forcimit të demokracisë dhe të parlamentarizmit.

“Data e sotme, vendimmarrja e sotme për miratimin e kërkesës të depozituar nga kryeministri Berisha në prill të këtij viti në periudhën e presidencës çeke, ishte një mesazh pozitiv vlerësues, inkurajues për Shqipërinë , duke bërë që vendi ynë të arrijë tashmë në stacionin më të afërt drejt BE-së”, ka vlerësuar Topalli.

Kjo nuk është fitore e të djathtës, kjo është fitore e të majtëve e të djathtëve e republikanëve, e LSI-së, e shqiptarëve pa parti, e të gjithë shqiptarëve, ka thënë Topalli, duke shfrytëzuar këtë rast dhe një herë për të ftuar në Parlament deputetët socialistë.

[ledjo]

shume interesante