Maroni: Shqipëria meriton heqjen e regjimit të vizave

[aurel]

Shqipëria meriton heqjen e regjimit të vizave, u shpreh ministri i Brendshëm italian Roberto Maroni, gjatë një takimi që zhvilloi në Tiranë me homologun shqiptar Lulzim Basha.
Ministri italian u shpreh i sigurte se regjimi i vizave për Shqipërinë do të hiqet gjatë vitit të ardhshëm, ashtu siç u veprua me Serbinë, Maqedoninë dhe Malin e Zi.

“Nuk shoh asnjë pengesë në vendimin e Bashkimit Evropian për heqjen e regjimit të vizave, por vonesa vjen edhe nga burokracitë e BE-së”, deklaroi Maroni.

Ai shprehu kënaqësinë e Italisë për marrëdhëniet e shkëlqyera mes dy vendeve, duke shtuar se këto raporte luajnë një rol të rëndësishëm në stabilitetin e rajonit.