Tërmet në Tiranë, epiqendra 13 km larg kryeqytetit

[aurel]

Lëkundje të forta tërmeti janë ndjerë në Tiranë në orët e para të mëngjesit të sotëm. Instituti i Gjeoshkecanve dhe Universiteti Politeknik i Tiranës ka regjistruar lëkundjet tërmetit në orën 04.15 minuta. Sipas të dhënave të specialistit të këtij Instituti, Rrapo Omeri tërmeti ka qenë me magnitudë 4.5 i shkallës Rihter.
“Epiqendra e tërmetit është lokalizuar në fshatin Shkallë, 13 km në lindje të kryeqytetit me koordinatat 41. 36 veri dhe 20.04 lindje. Tërmiti është shoqëruar me disa paslëkundje të tjera deri në mëngjes, magnituda e të cilave ka ardhur duke u zvogëluar. Tërmeti në epiqendër ka qenë me intensitet mbi 5 ballë” deklaroi specialisti Omeri.

Tërmeti në Tiranë është ndjerë me intensitet 5 ballë, dhe lëkundjet e tij janë ndjerë edhe në qytete të tjera. Në Elbasan Bulqizë, dhe Krujë tërmeti është ndjerë me fuqi 4-5 ballë. Mësohet se lëkundjet janë ndjerë dhe në fshatin Gjoricë të Dibrës, ku pak javë më parë një tjetër tërmet shkaktoi dhjetëra banesa të dëmtuara.

Magnituda e pasgoditjeve ka qenë 2.8 e shkallës riter e cila ka ardhur deri në zvogëlimin e plotë të tyre.

Deri sot në mëngjes nuk janë raportuar dëme materiale, apo të lënduar në njerëz. Specialisti i Institutit të Sizmiologjisë thotë se tërmetet e tilla janë të zakonshme, që ndihen dhe të frikshme në zonën epicentrale por që zakonisht nuk shkaktojnë dëme.