Shqipëri: Shkon në gjashtë numri i të vdekurve me A/H1N1

[aurel]

Ka arritur në gjashtë numri i personave të vdekur nga gripi i derrave në Shqipëri, i njohur ndryshe si A/H1N1. Bëhet fjalë për një grua nga Kukësi e cila ka ndërruar jetë në spitalin infektiv në Tiranë.
Gruaja ka qëndruar prej ditësh në reanimacion, ndërsa të dielën ka humbur jetën. Megjithatë, ajo vuante edhe nga sëmundje të tjera të rënda si turbekulozi dhe kardiopi kronike, çka kanë ndihmuar në përkeqësimin e gjendjes së saj shëndetësore.

Prekja nga A/H1N1 i ka shkaktuar goditjen fatale, duke i marrë asaj jetën. Shqipëria numëron mbi 350 persona të prekur me A/H1N1.

Rasti i parë i prekur nga ky virus u shfaq në muajin qershor, ndërkohë që rastet kanë ardhur duke u rritur. Pothuajse të gjitha viktimat e këtij virusi, ishin të prekura edhe nga sëmundje të tjera.