Festat, 27 mijë emigrante në atdhe brenda 24 orësh

[aurel]

Vazhdon fluksi i emigrantëve që vijnë për të festuar ndërrimin e viteve në Shqipëri. Fluksi më i madh vihet re në pikën kufitare të Kakavijës dhe Kapshticës.
Burime nga dogana e Kakavijës bëjnë të ditur se ne 24 orët e fundit kanë kaluar kufirin rreth 13 mijë shtetas dhe mbi 3600 automjete. Informohet se po punohet me kapacitetet të plotë duke shmangur dhe pritjet e gjata.

Duke parë fluksin e lartë, mësohet se Policia e Gjirokastrës ka shtuar gjithashtu kontrollet në akset nacionale për të evituar aksidentet dhe rëndimin e trafikut.

Në Kapshticë në 24 orët e fundit kanë kaluar kufirin rreth 10 mijë shtetas dhe mbi 2500 automjete. Informohet se dhe në këtë pikë kufitare me Greqinë punohet me kapacitet të plotë në të dy kahet e kufirit dhe nuk ka radhë të gjata emigrantësh.

Fluks ardhjesh edhe në portin e Durrësit. Gjatë natës janë ankoruar 3 tragete, nga të cilët kanë zbritur 4 mijë shtetas dhe 1300 automjete.

Mësohet se deti i trazuar deri ne 8 balle ka shkaktuar vonesa për mbërritjen e trageteve.
E njëjta situatë edhe në Blorë, deti i trazuar 7 deri në 8 ballë jashtë gjirit ka shkaktuar vonesa mbërritjen e trageteve.

Në mëngjes është ankoruar vetëm një traget me 500 persona dhe 150 automjete, pritet mbërritja e një tragetit të linjës Brindizi-Vlorë, ndërsa trageti i tretë nuk është lejuar të niset për shkak të detit të trazuar.

[ReniX]

çna gjeti, çdo vit i njejti zakon!