Në shkurt situata epidemike mund të bëhet më e vështirë

[aurel]

Në Shqipëri, gjatë muajit janar virusi i gripit të derrit ka infektuar edhe 30 persona të tjerë, duke e çuar në 460 numrin e të prekurve.
Situata epidemike pritet të bëhet edhe më kritike në fillim të muajit shkurt, kur sipas specialistëve të Shëndetësisë do të ketë një rritje të rasteve të prekura nga virusi A/H1N1.

Numri mesatar i të prekurve në ditë arrin nga 1 deri në dy raste, ndërkohë që mosha që rezulton më e infektuar është ajo nga 25 deri në 35 vjeç.

Nga ana e Ministrisë së Shëndetësisë të Shqipërisë, është hedhur alarmi se situata epidemike në lidhje me gripin e derrit në fillim të muajit shkurt mund të bëhet më e vështirë, kjo për shkak se në këtë periudhë pritet të nisë edhe faza e dytë e infektimit pandemik.