Samsung paraqet edhe një konkurrent të iPhone

[aurel]

Kompania jugkoreane Samsung ka paraqitur telefonin e saj më të ri të mençur me në sistemin e ri operativ Bada, të zhvilluar nga vet kjo kompani.
Samsung e kishte paralajmëruar sistemin e vet operativ Bada qysh në muajin nëntor të vitit të kaluar, e mu sipas paralajmërimeve në treg do të paraqitet pajisja e parë e cila do ta përdorë këtë sistem.

Nën emrin Samsung S8500 Wave vjen një telefon i mençur me ekran OLED të diagonales prej 3.3 inç, procesor me shpejtësi prej një GHz, fotoaparat me rezolucion prej pesë megapiksela, e kjo pajisje do të ketë deri në tetë gigabajt hapësirë. Kjo hapësirë do të mund të rritet edhe më shumë me anë të kartelave përkatëse të memories.



Veçantia themelore e kësaj pajisje është sistemi i ri operativ Bada nga Samsung. Pajisja mbështet numër jashtëzakonisht të madh të formateve multimediale, e në treg do të paraqitet gjatë muajit prill me çmim tani për tani të panjohur.

www.samsungmobile.com