Shi peshqish në Australi

[Enkelejda_24]

Moti në Australi u përcoll me reshje shiu javën e fundit të shkurtit, ndërsa rajoni Lajamanu, dyqind kilometra larg liqenit më të afërt dhe oqeanit, përjetoi një shi peshqish të bardhë.
Dy ditë me radhë australianët kanë mundur lirisht të dalin pas shiut dhe t’i mbledhin peshqit nga rruga.

Zonja Balmer, koordinatore e azilit të pleqve në Lajamanu, tha se familja e saj mendonte se ajo nuk ishte mirë me mend kur u tregoi se çfarë kishte parë. Për t’i vërtetuar se ajo s’ka rrëshqitur nga mendtë fotografoi peshqit që ranë nga qielli.

Lajamanu tashmë ka përjetuar dy reshje peshqish nga qielli, një herë më 1974 dhe herën tjetër më 2004.

Njëra prej sqarimeve logjike është se peshqit i ka sjellë tornado, por kjo fatkeqësi natyrore nuk ka ndodhur në këtë ishull gjatë atyre dy ditëve.

Parashikuesi i motit, Ashley Patterson thotë se ky është një fenomen i pazakontë në të cilin peshqit, së bashku me ujin ku jetojnë ata, fluturojnë deri në dy kilometra lartësi - dhe shtoi se, ato dy ditë ishin ideale për krijimin e tornadove, edhe pse nuk ka pasur shenja tornadoje. /Telegrafi/

[EMAUS]

Sa mire, le te bjere dhe ketej nga ne se ka vajtur kilja e peshkut sa frengu i pules.

[ReniX]

Kjo nuk eshte e re! Ka ndodh shume here

[MAJDI]

Vetem nxirni tiganin jash dritares , dhe ju vjen peshku vet ...

[Kliton]

E vertet ka ndodhur shume here nje gje e tille,pasi fortunalet i sjedhin ose i marrin peshqeit me vete,dhe i hellin ne zonen me te afert.

[Donnaa]

interesante edhe pse nuk eshte hera e par qe ka ndodhur