Renault paraqet versionin serik të modelit Fluence

[Kliton]

Pas paraqitjes së versionit konceptual të limuzinës elektrike Fluence në panairin e vitit të kaluar të automjeteve në Frankfurt, Renault në Kopenhagë ka shfaqur edhe versionin serik të automjetit i cili do të paraqitet në treg gjatë mesit të vitit të ardhshëm.

Fleunce Z.E. do të ndërtohet në fabrikat turke në Bursa të Renaultit, derisa ai do t’u shitet blerësve në Evropë, Singapor, Afrikë Jugore dhe Rusi. Fluence ka motor elektrik i cili zhvillon 94 kuaj fuqi dhe moment rrotullimi prej 222 Nm. Bateria e tij litium-jon peshon 250 kilogramë dhe është e vendosur pas ulëseve të prapme. Për shkak të dimensioneve të tij, versioni elektrik i Fluence është 130 milimetra më i gjatë se ai konvencional, respektivisht është 4.750 milimetra e gjatë.





Bateria ka kapacitet prej 22 kWh prandaj Fluence Z.E. mundëson kalimin e 160 kilometrave deri në shpejtësinë maksimale prej 130 km/h. Një mbushje me anë të rrjetit standard elektrik 220V zgjat prej gjashtë deri në tetë orë. Tani për tani Renault nuk e ka zbuluar çmimin e automjetit të vet të parë elektrik.

[ReniX]

Shume i bukur qenka!