Firefox Home vjen në iPhone

[MAJDI]

Përdoruesit e iPhone e dinë që në pajisjen e tyre nuk funksionon shfletuesi i internetit Firefox, mirëpo aplikacioni Firefox Home do të mundësojë sinkronizimin e disa elementeve të versionit desktop të Firefox me iPhone.



Firefox nuk ekziston në versionin për telefonin e mençur iPhone, mirëpo kjo nuk ndalon Mozillan që përdoruesve të vet t’u mundësojë përdorimin në shfletuesin Safari të Apple.

Për këtë do të përkujdeset aplikacioni Firefox Home i cili do të duhej të mundësojë sinkronizim e bookmarks, historinë e faqeve të shfletuara si dhe nyjave (tabs) të hapura nga shfletuesi Firefox i instaluar në kompjuter me shfletuesin Safari në iPhone.

Mozilla po pret që Apple të miratojë aplikacionin dhe të kategorizojë atë pa pagesë në dyqanin e aplikacioneve online AppStore. Qëllimi i këtij aplikacioni është që të sigurojë besnikërinë e përdoruesve të Firefox edhe atëherë kur nuk janë në gjendje që të përdorin shfletuesin e tyre të dashur të internetit në platforma tjera, në të cilat ai nuk ekziston për shkak të kufizimeve teknike apo politikave të pronarëve të platformav