Acer Aspire One 533

[MAJDI]

Nga Acer vjen një netbook i ri i cili pos dizajnit tërheqës sjellë edhe komponentë të avancuar, përfshirë procesorin e ri Atom N455 dhe memorie DDR3.



Kompania Acer ka paraqitur edhe një netbook në linjën e vet – Aspire One 533. Kjo pajisje është e bazuar në gjeneratën e re të procesorëve Atom, e cila sjellë mbështetje për memorien DDR3.



Në përzgjedhje janë procesori 1.6 GHz Atom N455 si dhe 1.83 GHz N475, gjersa ekrani 10.1 inçësh me ndriçim LED të prapavijës sjellë rezolucion prej 1.024 x 600 pikselash. Në formë standarde, ky netbook shitet me një gigabajt memorie DDR3, disk prej 250 gigabajt, grafikë të integruar GMA 3150, si dhe baterinë prej gjashtë qelish e cila ofron deri në dhjetë orë autonomi pune.

Acer do ta lansojë në shitje këtë netbook pasi që Intel të paraqesë zyrtarisht procesorët e vet të ri Atom, që pritet të ndodhë gjatë muajit qershor.