Koreja Jugore e pakënaqur me Google

[vaaldr1n]

Zyrat e kompanisë Google në Seul të Koresë Jugore kanë qenë subjekt i kontrollit policor për të cilin urdhër kanë dhënë autoritetet e këtij shteti.
Brenga më e re e zyrtarëve jugkoreanë ka të bëj me grumbullimin e paqëllimtë të informatave të përdoruesve me anë të sistemit të Google për incizimin e rrugëve të quajtur Street View.

Në fakt, ani pse ky shërbim ende nuk është bërë aktiv në Korenë Jugore, autoritetet kanë frikë se do të mund të përsëritej rasti si në disa shtete evropiane kur automjetet e Google kanë qarkulluar rrugëve dhe kanë incizuar pamjet e rrugëve dhe në mënyrë të vetëdijshme apo të pavetëdijshme kanë grumbulluar të dhëna të besueshme.

Nga ana e saj, Google ka pohuar se nuk ka pasur keqpërdorim të informatave të grumbulluara.