Microsoft paditë Motorola-në, prapavija te Android

[vaaldr1n]

Microsoft gjatë ditës së sotme ka paditur kompaninë Motorola, duke pretenduar se celularët e mençur të bazuar në Android të kësaj kompani shkelin patentat e saja.

Microsoft ka paditur kompaninë Motorola në Gjykatën Amerikane të Qarkut në Washington dhe gjithashtu ka paraqitur një ankesë tek Komisioni Ndërkombëtar për Tregti (ITC). Microsoft pretendon se Motorola ka shkelur nëntë patenta të saj të lidhura me përvoja kyçe në celularë të mençur, siç është sinkronizimi i postës elektronike, kalendarit dhe kontakteve, dhe aplikacionet njoftuese rreth ndryshimeve në fuqi të sinjalit dhe fuqi të baterisë. Padia citon celularin Motorola Droid 2 si një shembull.

“Ne kemi një përgjegjësi ndaj konsumatorëve, partnerëve dhe aksionarëve tanë për të ruajtur miliarda dollarët që ne investomë në secilin vit për të sjellë produkte softuerike inovative dhe shërbime të avancuara në treg” tha avokati i përgjithshëm i Microsoft, Horacio Guiterrez në një deklaratë.

Padia vjen pasi Microsoft po tenton të bëjë për vete prodhuesit e celularëve që të përdorin sistemin e saj operativ Windows Phone 7. Megjithëse sistemi Android i zhvilluar nga Google mund të përdoret pa pagesë, Microsoft ka tentuar të bëjë çështje se prodhuesit e celularëve duhet të shikojnë çështjet e pronësisë dhe kostot e ndërlidhura para se të shkojnë me android.

Më herët gjatë këtij viti Apple ka paditur HTC, që bënë celularë edhe për Windows Phone edhe për Android, rreth shkeljeve të patentave. Apple ka zgjeruar padinë në muajin qershor duke shtuar dy shkelje tjera të patentave. HTC u përgjigj me një kundërpadi, duke pretenduar se Apple shkel pesë prej patentave të saja. Microsoft iu ofron mbrojtje patentash atyre që përdorin sistemin operativ Windows Mobile dhe Windows Phone 7, e Google në anën tjetër ende nuk ofron diçka të këtillë.

Motorola dikur ishte një kompani partnere e Windows Mobile, por në vitet e fundit është duke kaluar gradualisht në taborin e Android. Ajo nuk ka bërë ndonjë koment rreth padisë së Microsoft-it e as Google nuk ka komentuar diçka në këtë aspekt. /pcworld.al