Nokia Ovi Store arrin në 2.3 milion shkarkime ditore

[vaaldr1n]

Pothuajse një vit e gjysmë pasi Nokia Ovi Store ka zënë hap të mjaftueshëm, sot është bërë e ditur se numri i shkarkimeve ditore ka arritur në 2.3 milion.

Me një numër aktiv të konsumatorëve të Nokia-së prej rreth 140 milion anembanë botës, sipas Nokia, në baza ditore në Ovi Store janë duke u regjistruar rreth 200.000 përdorues të rinj.

Në mesin e zhvilluesve dhe botuesve që krijojnë aplikacione mobile, 70 prej tyre kanë kaluar shifrën prej 1 milion shkarkimeve. Kjo është një listë që përfshin: Electronic Arts, Gameloft, Indiagames, PepsiCo, HeroCraft dhe Offscreen Technologies. Loja e HeroCraft, Farm Frenzy ka përjetuar më shumë se 10 milion shkarkime, kurse aplikacionet e Offscreen që shfrytëzojnë ekranin e ndjshëm në prekje kanë pranuar më shumë se 45 milion shkarkime.

Në maj të viti 2009, Ovi Store ishte lansuar dhe dizajnuar nga Nokia si përgjigje ndaj Apple App Store. Por dyqani online i Nokia-së u përballë me mungesa të pëlqimit dhe mos arritjes tek konsumatorët. Kompania së fundi ripërpunoi pamjen dhe ndjenjat që ofron faqja e OVi Store, dhe kjo paraqitje e re shihet vetëm përmes celularit të ri N8 dhe me sistemin e ri operativ Symbian. Dyqani i ri premton një përvojë shumë më të mirë dhe mënyra më të lehta për të përcjellë përmbajtje.

Ovi Store ka pasur zakonisht mungesë të aplikacioneve siç ka Apple Store dhe madje edhe Google Android Market. Një problem është se zhvilluesit kanë qenë më të interesuar që të krijojnë aplikacione mobile për platformat iPhone dhe Android. Për të sfiduar këtë, Nokia po u ofron zhvilluesve një vegël të re dhe përfitime të reja, duke sjellë të hyra të përmirësuara, analiza më të mira dhe mënyra më të lehta për përdoruesit që të blejnë aksione.

Një problem tjetër është se Nokia është fokusuar në biznesin e saj global në shpinë të tregut në SHBA. Për të tërhequr më shumë zhvillues dhe për të arritur tërë tregun në të njëjtën kohë, Nokia së fundi ka bërë publike një garë me një shpërblim prej 10 milion dollarë për të inkurajuar zhvilluesit që të krijojnë aplikacione të veçanta për konsumatorët në Amerikën Veriore. /pcworld.al