Kujdes kur mbani laptopin në prehër!

[vaaldr1n]

Njerëz që duhet të punojnë me laptop duke e mbajtur atë në prehër duhet të kenë kujdes sepse sipas një hulumtimi të bërë së fundi, mund të shkaktohen dëme permanente në lëkurë.

Një raport mjekësor ka gjetur se vendosja e pajisjeve afër lëkurës për periudha të gjata kohore mund të shkaktojë “sindromën e lëkurës së thekur”, që është një gjendje që paraqet lëkurën në formë të rrudhur, dhe që është rezultat i ekspozimit afatgjatë ndaj nxehtësisë.

Në një rast të veçantë, një fëmijë 12 vjeç është prekur nga efektet e ndryshimeve në lëkurë pasi ka luajtur me laptop në prehër, lojëra kompjuterike për disa orë dhe disa muaj me radhë.

“Ai kuptoi se laptopi nxehej në pjesën anësore, por pavarësisht kësaj ai nuk ka ndryshuar pozitën” thuhet në raportin e hulumtuesve zviceran që është botuar të hënën në Pediatrics. Një rast tjetër që ka përfshirë efekte të ngjashme ishte me një studente të juridikut në Virginia të SHBA-së, i cili ka kërkuar ndihmë mjekësore për shkak të çrregullimeve të ngjyrës në lëkurën e një pjese të Dkëmbëve të saja.

Dr. Kimberley Salkey, që ka trajtuar vajzën e re, nuk ka arritur të kuptojë burimin e problemit derisa ka mësuar se ajo studente ka shpenzuar deri në gjashtë orë në ditë duke punuar në laptopin e saj të vendosur në prehër. Temperatura nën laptop ishte regjistruar në 52 shkallë celsius.

Deri më tani nuk është vërtetuar ndonjë lidhje për ndonjë kancer të lëkurës për shkak të vendosjes së laptopit afër lëkurës, por hulumtuesit sugjerojnë kujdes në vendosjen e laptopit në prehër dhe gjithashtu sugjerojnë të përdoren mburoja të nxehtësisë nëse duhet të mbani patjetër laptopin në prehër. /pcworld.al

[Kliton]

Kjo gje i ka ndodhur nje djali ne moshe 12 vjecar,rasti i të cilit është bërë publik nga revista "Pediatrics"

Ja dhe nje foto origjinale te kembeve te djalit.