Apple lanson dy modele të reja të MacBook Air?

[vaaldr1n]

Lajmi i cili më herët ishte paralajmëruar edhe nga Telegrafi.com, tashmë duket të jetë i vërtetë.

Apple së shpejti do të sjell modelet e reja të laptopit më të hollë në botë, MacBook Air. Sipas të gjitha gjasave kjo do të ndodh në ngjarjen e Apple, e cila mbahet gjatë kësaj jave.

Faqja e njohur, Cult of Mac raporton se ne së shpejti do të mund të shohim modelin e ri të MacBook Air, i cili kësaj radhe vjen me ekran prej 13.3 inç, bateri më të madhe dhe më shumë porte në të.

Ndërsa, thuhet se Apple gjithashtu do të prezantojë edhe modelin tjetër të këtij laptopi, MacBook Air me 11.6 inç.

MacBook Air është pjesë e planifikimeve të kompanisë Apple, pasi që ky model ka hasur në kërkesë të mirë të tregut, ndërsa lansimi i dy modeleve të këtij laptopi tregon se Apple do të bëjë edhe një lëvizje të mirë.

Mirëpo, për të konfirmuar gjithçka lidhur me këto modele, ne duhet të presim deri të mërkurën, kur edhe pritet lansimi i këtyre dy modeleve të reja të Air.