Microsoft do të hap dyqan online për lojëra kompjuterike

[vaaldr1n]

Microsoft ka thënë të premten se do të hap një dyqan online të mbushur me lojëra që mund të shkarkohen dhe të luhen në kompjuterë, të cilët bazohen në softuerin e saj.

Lojërat nga ueb faqja Windows Marketplace do të lansohen tek gamesforwindows.com me 15 nëntor të këtij viti, së paku kështu ka bërë të ditur gjiganti softuerik me bazë në Redmond, Washington.

“Ne jemi të vendosur të krijojmë një dyqan digjital të ndërtuar për gejmer kompjuterik” tha drejtori global i Microsoft PC dhe Gaming, Kevin Unangst.

“Dhe duke integruar shërbimet tona ekzistuese Xbox Live dhe Windows Live, ne do ta bëjmë edhe më të lehtë për miliona gejmerë të shohin vetën sesa lehtë është të blihen PC lojërat” tha Unangst.

Xbox Live është një komunitet online që menaxhohet nga Microsoft. Marketplace në anën tjetër do të lansohet me një portofol prej 100 lojërave duke përfshirë tituj si “Fable” dhe “Grand Theft Auto”. Prodhuesit e video-loërave që kanë titujt në dyqanin online përfshijnë Rockstar, Capcom, Square Enix dhe Warner Brothers Interactive Entertainment.

“Ne planifikojmë të sjellim markat më të mëdha dhe më të mira kompjuterike në Games for Windows Marketplace prej ditës së parë” tha Christian Svenson, oficer i korporatës dhe zëvendës president i Planifikimit Strategjik dhe Zhvillimit Biznesor pranë Capcom. /pcworld.al

[ReniX]

Do te me pelqente te provoja Windows Phone 7!