Debakël i automjeteve elektrike në Britani të Madhe

[vaaldr1n]

Ani pse shërbimet për marrëdhënie me publikun dhe mediet në të gjitha mënyrat po paralajmërojnë epokën e automjeteve elektrike, duket se mundi po shkon bukur shumë kot.

Në Britani të Madhe, në vendin e tretë më të madh të tregut të automjeteve në Bashkimin Evropian, vitin e kaluar ‘me qykë të zorit’ janë shitur 55 automjete elektrike. Kjo është rënie prej pothuajse 90 për qind në krahasim me vitin paraprak kur në Britani janë shitur 397 automjete të këtij lloji.

Analistët tani për tani nuk brengosen dhe gishtin e fajit e drejtojnë kah recesioni dhe oferta aktuale e automjeteve elektrike në treg. Në fakt, blerësit të cilët kanë kërkuar automjet elektrik sigurisht kanë qenë të vetëdijshëm se vetëm në fund të këtij viti apo në fillim të ardhshmit në treg do të paraqiten një numër më i madh i automjeteve elektrike për cilat ia vlen të futen duart pak më thellë në xhep.

Megjithatë, individët në mesin e pesimistëve dyshojnë në shpagueshmërinë tregtare të automjeteve elektrike, posaçërisht kur merret parasysh përdorshmëria e tyre ditore dhe praktika, si dhe çmimi i lartë për blerësin. /Telegrafi/