Facebook do të mbajë një event mobil javën e ardhshme

[vaaldr1n]

Celulari i shumëpërfolur dhe shpejtë i hedhur poshtë, ai nga Facebook, ka gjasa që të shpaloset gjatë javës së ardhshme – ose së paku diçka në lidhje me përdorimin e rrjeteve sociale në pajisje mobile do të shpaloset me 3 nëntor.

Më herët gjatë ditës së sotme Facebook ka filluar me dërgimin e ftesave tek anëtarët e saj për një konferencë në lidhje me një ngjarje të orientuar nga celularët, që do të mbahet të mërkurën në qendrën e saj në Palo Alto, Californi.

Në shtator, patën filluar thashethemet rreth asaj sesi kompania ishte duke punuar me prodhues të pajisjeve rreth një pajisje të brenduar me emrin Facebook. Më pas një zëdhënës i Facebook me shpejtësi u përgjigj duke thënë se kjo ishte një gënjeshtër e pastër, dhe se “ndërtimi i celularëve është diçka që ne nuk bëjmë”.

Në shifrat e fundit të bëra publike thuhet se më shumë se 150 milion prej 500 milion përdoruesve aktiv në Facebook, përdorin faqen nga celularët e tyre. Facebook mirëmban edhe versionin mobil të faqes edhe aplikacionet origjinale për rrjetin social – të cilat do të duhej të jenë në qendër të vëmendje në ngjarjen e ditës së mërkurë, ku do ketë gjasa të shohim edhe zhvillime harduerike dhe lidhje me partnerë. PCWorld Albanian së bashku me kolegët në Amerikë nga qendra e PCWorld do t’ju njoftojë me kohë për të rejat më të fundit. /pcworld.al