Shqiptari i dëshpëruar e quan Zvicrën “shtet racist”

[Erinaa]

E përditshmja zvicerane "Blick", ka publikuar një artikull lidhur me një kosovar 21-vjeçar, i cili në fillim të dhjetorit të vitit të kaluar, për shkak të veprave të shumta penale, është dëbuar nga Zvicra. Bëhet fjalë për Genc Beshticën, një shqiptar nga Kosova, me pasaportë serbo-malazeze, i cili në vitin 2008, së bashku me tre shokët e tij, kishin terrorizuar popullatën e qytezës Thusis në Zvicër. Në vjeshtë të vitit 2009, ai dënohet me dy vjet e gjysmë burg, prej të cilave 14 muaj i vuan, ndërsa në nëntorin e fundit, ai lirohet nga burgu. Më në fund, në dhjetor të vitit të kaluar, ai dëbohet nga Zvicra. Ai e humbi të drejtën e qëndrimit në Zvicër, ndërsa nuk ka gjasa të mëdha të rikthejë lejeqëndrimin, pasi rreziku për t’i përsëritur veprat është shumë i madh, thuhet në një vendim gjyqësor të Kantonit Graubunden. Për një integrim të tij në shoqërinë zvicerane, as që mund të bëhet fjalë. Genc Beshtica i pranon fajet që i ka bërë: "Unë nuk i mohoj veprat e mia. Çdokush gabon ndonjëherë. Ne ishim shumë të ri. Jam shumë i dëshpëruar nga Zvicra. Ajo nuk ka zemër. Vetëm pse kam gabuar një herë, ata më dëbojnë", shkruan ai nga Kosova. Për frikën e popullatës së Thusis, Beshtica nuk tregon mirëkuptim: "Ata thonë kështu, pasi kanë dashur të më dëbojnë. Të gjithë janë gënjeshtarë. Po që se ata kanë frikë nga njerëzit, unë nuk mund të bëj asgjë", vazhdon Beshtica. Ai në Zvicër kishte ardhur në moshën pesëvjeçare dhe pesëmbëdhjetë vjet i ka kaluar aty. Tani, atij i është ndaluar hyrja për gjashtë vjet të tëra. Për "Blick", ai më tutje deklaron: "Unë u dëbova vetëm pse jam shqiptar. Zviceranët i urrejnë shqiptarët, por pa të huajt, Zvicra do të ishte asgjë. Zvicra është shteti më i keq racist. Tani jam shumë mirë në Kosovë, bile më mirë se në Zvicër". Një qëndrim bizar i Gencit, në një vend nga i cili është dëshpëruar shumë, ai dëshiron të kthehet sa më parë, konstaton gazeta zvicerane. "Këtë e bëj për shkak të familjes time. Avokati im është duke u munduar që të shkurtojë ndalesën time. Kam një këshillë për ata të cilët dëbohen nga Zvicra, mos e varni kokën, por fishkëllejeni Zvicrën", ka përfunduar Genc Beshtica.

[smocking2]

boh...se besoj se ka te bej me racizmin ky rast...ligjet jane ligje dhe ndoshta te tilla kane qene rrethanat qe e kane cuar deri ne marrjen e ketij vendimi...