LG lanson tabletin Optimus Pad

[vaaldr1n]

LG e ka prezantuar zyrtarisht versionin evropian të tabletit të njohur si LG G-Slate, të cilin e ka quajtur LG Optimus Pad.

Modeli më i ri i tabletit LG Optimus Pad karakterizohet me ekranin e ndjeshëm në prekje me 8.9 inç, si dhe versionin e sistemit operativ Android, atë Android 3.0 Honeycomb.

Tableti i LG’së gjithashtu posedon edhe procesorin NVIDIA Tegra 2, bashkë me kamerën 3D e cila u mundëson përdoruesve të incizojnë 3D video. I njëjti gjithashtu veçohet për dekodimin e videove Full HD në 1080p, si dhe rezolucionin prej 1280 x 768 pikselëve.

Merret vesh se data e lansimit të këtij tableti në Evropë, do të jetë mesi i muajit mars, ndërsa edhe për këtë pajisje të re mobile nuk janë dhënë detajet e çmimit.