Pse duhet t’i doni nishanet tuaja: Të metat fizike - të mira për shëndetin tuaj

[vaaldr1n]

Kur keni shumë nishane ka mundësi që të jeni 10 herë më të rrezikuar nga kanceri i lëkurës, por në të njëjtën kohë mund të nënkuptojë edhe se mund të jetoni më gjatë. Shkencëtarët e “King’s College” në Londër kanë studiuar më shumë se 900 çifte binjakësh dhe kanë gjetur se ata që kanë 100 ose më shumë nishane jetojnë në një mesatare prej gjashtë vjetësh më gjatë sesa ata me 25 ose më pak. Mendohet se kjo ndodh për shkak të telomereve të tyre, që ndodhen në skajet e vargut të ADN-së, sikurse pjesa plastike në skajet e lidhëseve të këpucëve dhe e mbron atë nga harxhimi dhe vjetrimi. Telomeret shkurtohen me kalimin e kohës dhe gjatësia e tyre është indikacion për të përcaktuar shpejtësinë me të cilën do të plaket trupi ynë. Studimi ka zbuluar se njerëzit me më shumë se 100 nishane kanë më shumë telomere. Ata kanë konkluduar se telomeret lejojnë që qelizat e pingmentuara që formojnë nishane të vazhdojnë të ndahen më gjatë – pra nëse keni më shume nishane do të thotë që keni telomere të gjata. Dr. Veronique Bataille, konsulente dermatologjike në spitalin “Hemel Hempstead General Hospital”, ka thënë : “Njerëzit me shumë nishane mund të kenë përfitime nga shkalla e zvogëluar e plakjes dhe kjo do të thotë që kanë më pak prirje për të zhvilluar sëmundjet që ndërlidhen me moshën”.