Gjykata e Lartë shpjegon vendimin për Mediun

[aurel]

Një ditë pas kërkesës së Partisë Socialiste për heqjen e imunitetit të deputetit Fatmir Mediu, ka reaguar Gjykata e Lartë, e cila ka zbardhur sot vendimin për pushimin e çështjes në ngarkim të ish-ministrit të Mbrojtjes, i akuzuar si i implikuar në tragjedinë e Gërdecit.
Sipas Gjykatës së Lartë, vendimi u mor pas- Mediu u zgjodh deputet, çka sipas ligjit nuk mund të vijohet më procedimi i tij.

Kjo gjykatë bën të ditur se vazhdimi i gjykimit ndaj Mediut mund të bëhet vetëm me autorizimin e Kuvendit të Shqipërisë, autorizim që nuk është dhënë deri më tani. Gjykata e Lartë në deklaratën e saj shpjegon se Prokuroria ka të drejtën për të bërë një kërkesë të dytë për heqjen e imunitetit nga Kuvendit për ministrin aktual të Mjedisit.

“Ndjekja penale s’mund të vazhdojë, pasi është antikushtetues. Kuvendi i Shqipërisë nuk ka dhënë autorizim për ndjekjen penale. Prokuroria është ajo që jep kërkesë për Kuvendin”, thuhet në njoftimin e shpërndarë për mediat.