Wetzel: S’ka integrim pa opozitën në Parlament

[aurel]

Shqipëria nuk mund të pretendojë integrimin nëse opozita nuk kthehet në Parlament. Deputetja gjermane, Margarit Wetzel, kryesuese e një delegacioni të Bundestagut gjerman në Shqipëri thotë se për rrugën drejt BE dhe reformat që duhen për këtë nevojitet një parlament me 140 deputetë.
"Sigurisht që pjesëmarrja e opozitës në Parlament është tejet e rëndësishme në mënyrë që të merren vendime për të ardhmen e vendit. Unë doja të theksoja faktin që pjesëmarrja e opozitës apo mbledhja e parlamentit në numrin e tij të plotë, është vërtet tejet e rëndësishme. Fakti që Progres Raporti i publikuar së fundi kërkon realizimin e reformave të rëndësishme për vendin, e bëjnë të domosdoshme mbledhjen e Parlamentit në numrin e tij sa më të plotë", tha Wetzel,.

Wetzel tha gjithashtu se Gjermania mbështeste kërkesën e Shqipërisë për integrim por ende mbetet një rrugë e gjatë para. "Është në dorën e gjithsecilit prej vendeve të vlerësojnë momentin, se kur duhet të bëjë kërkesën e tij për anëtar të BE. Mendoj se Shqipëria deri sa të pranohet anëtare e BE, duhet të ecë dhe të bëjë progrese të caktuara. Mendoj që është në rrugën e duhur për këtë. Ne e respektojmë kërkesën e Shqipërisë dhe e mbështesim në rrugën drejt integrimit", vijoi Wetzel.

Takimi mes Wetzel dhe Topallit është zhvilluar në kuadër të një projekti të Bundestagut gjerman për praktikën gjermane parlamentare.