6 milionë etiopianë vuajnë për ushqim

[aurel]

Qeveria etiopiane u ka thënë donatorëve se kanë nevojë urgjente për ndihma ushqimore për më shumë se gjashtë milionë vetë.
Thatësirat e gjata kanë dëmtuar të lashtat dhe kullotat anembanë Afrikës Lindore, por editori i BBC-së për Afrikën thotë se edhe faktorë të tjerë kanë kontribuar në thellimin e krizës së ushqimeve në Etiopi.

Këtu përfshihen rritja e shpejtë e popullsisë si dhe politikat qeveritare për të mbajtur njerëzit në vende rurale çfarë ka rezultuar në zvogëlimin e vazhdueshëm të tokave punuese për bujqit, të cilët nuk arrijnë që të sigurojnë ushqim të mjaftueshëm për familjet e veta.

Qeveria etiopiane ka shprehur frikën se mund të ndodhë një eksod i madh i bujqve në rajonet urbane çfarë mund të çojë në rritjen e papunësisë dhe trazira sociale.

Aktualisht vetëm 17 përqind e popullatës së Etiopisë jeton në rajone urbane.