Ecja bën mirë për shëndet

[aurel]

Ecja mund t’u ndihmojë njerëzve që të humbin në peshë, ndërkohë që preferohet që të llogarisin kohëzgjatjen e ecjes së tyre për të vlerësuar nëse kanë ecur mjaftueshëm, njoftojnë shkencëtarët amerikanë.
Një ekip ekspertësh pranë Universitetit të Michiganit kanë ardhur në përfundim se njerëzit të cilët çdo ditë i shpenzojnë 20 deri 40 minuta duke ecur, ndoshta nuk humbasin shumë në peshë, mirëpo është me rëndësi se nuk shtojnë në peshë.

Me rritjen e aktivitetit fizik mund të pritet përmirësim shëndetësor edhe në gjendjet e tilla shëndetësore ku është i domosdoshëm aktiviteti fizik. Ky aktivitet fizik zvogëlon rrezikun për shfaqjen e sëmundjeve kardiovaskulare, ul shtypjen e gjakut dhe ndihmon në këmbimin e materieve në muskuj gjatë dietës.

Këto të dhëna janë rezultat i një studimi, në t cilin janë analizuar 307 femra dhe meshkuj, të cilët kanë llogaritur kohëzgjatjen e ecjes së tyre nga katër javë deri në nj vit. Te të gjithë pjesëmarrësit humbja në peshë ka qenë 50 gramë në javë (që do të thotë mesatarisht 2.25 kilogramë në vit).