Kur i pasuri bëhet i varfër

[aurel]

Një biznesmen britanik, i zhgënjyer nga jeta komerciale, ka vendosur të hedhë prapa karrierën e tij të suksesshme, dhe të jetojë në natyrë pa asnjë metelik.
Mark Boyle nga Bristoli, ka hequr dorë nga puna dhe paratë, dhe si një varfanjak ka vendosur të jetojë në një kamp-shtëpizë të vjetër.

Ky 30-vjeçar, madje ka vendosur që edhe gjërat elementare higjienike t’i marrë nga natyra, kështu letrën e tualetit e ka zëvendësuar me gazeta të vjetra, ndërsa detergjentin e ka prodhuar nga zierja e arrave.

Tash për tash, ai thotë se jeta i ecën në mënyrë fantastike – pasi ka mësuar shumë nga natyra – dhe thotë se, “nuk e kishte ditur se si paraja i kishte sjellë aq shumë stres dhe brenga në jetë”.

Boyle ushqehet me perime të cilat i kultivon në kopshtin e tij, pastaj me fruta të cilat i gjen në mal, por edhe me mbeturinat që i gjen nga supermarketet dhe restorantet.

Sidoqoftë, kjo mënyrë e jetës nuk ishte krejt pa pasoja për Markun. Para gjashtë muajsh atë e ka braktisur e dashura e tij, studentja 26-vjeçare Clare. Edhe pse në fillim ajo kishte deklaruar se do t’i qëndronte pranë dhe ishte pajtuar me vendimin e tij, duket se shumë shpejt ishte mërzitur dhe ia kishte kthyer shpinën.

Ai tash kërkon një vajzë e cila do të pajtohej me këtë mënyrë të jetës, ndërsa tashmë ka filluar edhe të shkruajë një libër për këtë mënyrë të jetës.

Dhe sërish lindi problemi për Markun – ai ka marrë oferta të majme për botimin e këtij libri. Dhe ai nuk di çfarë të bëjë me ato para, t’ia japë dikujt, të hapë llogari në bankë apo diçka krejt tjetër.

Mark thotë se kjo ofertë ka filluar të shqetësojë atë – pasi paratë e fundit që i kishte fituar 350 funte, ai i kishte shpenzuar në vendosjen e disa pllakave solare mbi kamp-shtëpizën e tij, që të mund të shfrytëzonte lap-topin.

[girl08]

Do qe te jetoje i varfer, po ama laptopin e mban me vete.
Meqe s'dika ku t'i coje leket, qenka me i be ndonje oferte ne ketej.

[MAJDI]

girl po spati ku ti coj le te mi japi mua se unn di ku ti coj