Lap-top i tejdukshëm

**Kliton** · 10-01-2010, 09:52 AM

Në panairin e sivjetmë të elektronikës, kompania Samsung për herë të parë ka prezantuar konceptin e lap-topëve që shfrytëzojnë monitorë të tejdukshëm OLED.
Informatat që vijnë nga Koreja, tash për tash, janë të mangëta – mirëpo thuhet se pritjet janë të mëdha, pasi që teknologjia e diodave me ndriçim organik (OLED) ka shumë përparësi ndaj asaj të kristaleve LED.
Një monitor i prezantuar 14 inch, pas fikjes kishte tejdukshmëri deri në 40, ndërsa është bërë e ditur që së shpejti pritet të fillojë prodhimi serik i këtyre lap-topëve.

Monitorët transparentë janë ndër aksesorët më të preferuar kohët e fundit në filmat fantastiko-shkencorë por me laptopin 14 inch e prezantuar në CES bazuar në teknologji OLED, Samsung mund të japi shpejt një mundësi të gjithëve të provojnë një eksperiencë të tillë.
Në të vërtetë, modeli i prezantuar është vetëm një prototip, por përveç pamjes së këndëshme, display OLED i këtij modeli ka sipas Samsung një transparencë maksimale (kur monitori është i shuar) prej 40 përqind, ndërkohë që standarti sot është diku tek 25 përqind.

Ajo që nuk është për tu parë, është se sa një veti e tillë do të jetë e përshtatshme për punët e përditshme - një monitor transparent duhet të ketë ndjesi të ngjashme me dritaret transparente të sistemit, por sa prej jush përdorin opsione të tilla?!

Teknologjia ka shumë mundësi të mbetet këtu ku është (pra vetëm një prototip) përsa i përket monitorëve të kompjuterave, por Samsung planifikon që tani të eksperimentojë me të në luajtësit MP3 apo pajisje të ngjashme ku saktësia dhe qartësia e shikimit nuk janë aspekte kryesore dhe ku transparenca do të ishte një ekstra e mirëpritur.