Spammer-ët shfrytëzojnë situatën ekonomike

[MAJDI]

Krijuesit e spam-eve janë duke shfrytëzuar situatën e lëkundshme ekonomike në favor të tyre, bën të ditur kompania e sigurisë Symantec në raportin e saj Messagelabs Intelligence të muajit shkurt. Spam-et pësuan rënie me 1.3 për qind, duke rënë në 73.3 për qind të spam-eve në e-mail vetëm gjatë muajit shkurt.

Megjithatë, përqindja u ngrit sërish deri në 79.5 për qind pasi aktivitetet me botnet u shtuan shumë në fillim të muajit, thuhet në raport. Po këtë muaj, pas më shumë se një viti, një rreng i spammer-ëve, i njohur si makina e kërkimit për ridrejtim, u riparaqit duke u munduar t'i mashtronte përdoruesit në këtë kohë krize financiare.

Mesazhet e spam-eve të krizës financiare (recesion spam) përmbanin tekste ose tituj të tillë si: "Ka rënë vlera e parave", "Kohë të vështira", "Më lirë se ç’mund ta imagjinoni", etj..


Symantec bën të ditur se makinat e reja kërkuese me spam-e përmbajnë në brendi të mesazheve lidhje me makinat e njohura të kërkimit. Në vend që t'i ridrejtojnë përdoruesit në faqet me spam-e, lidhjet i dërgojnë përdoruesit te makina kërkimi për të kërkuar domainin e spam-eve.

Kështu spammer-ët e maskuar mund të dërgojnë e-maila që veprojnë nën radarin antispam, shpjegon një zëdhënës i kompanisë Symantec. Mashtruesit po ashtu po e shfrytëzojnë krizën financiare duke luajtur me viktimat me anë të korrespondencës së rreme nga bankat, thuhet në raport. Së shpejti konsumatorët e brengosur nuk do të befasohen kur të dëgjojnë nga bankat e tyre se mashtrimet janë rritur 1 në 190.4 e-maila prej 1 në 396.2 e-maila sa ishin më parë, citohet në raport.

[ReniX]

Disa nga keta kane bere lek te papar

[MAJDI]

epo sa veshtir eshte ti besh ato ...