Windows 7 XP Mode

[Kliton]

Microsoft ka paraqitur arnimin për Windows 7 e cila u mundëson përdoruesve të nisin këtë sistem operativ në mënyrën XP Mode pa harduer të specializuar i cili më herët është paralajmëruar si i domosdoshëm.
Sipas pohimeve të Brandon LeBlanc nga kompania Microsoft, ky regjim pune para së gjithash u dedikohet përdoruesve afarist të ndërmarrjeve të vogla e të mesme të cilët duan të kalojnë në sistemin operativ Windows 7 por të cilët përdorin aplikacione të cilat funksionojnë në sistemin e mëhershëm të kompanisë Microsoft – Windows XP.
Përditësimi i kësaj metode mund të bëhet nga faqja zyrtare e kompanisë Microsoft. Më herët, për përdorimin e këtij sistemi operativ ka qenë e nevojshme mbështetja hardueri përkatës, por ky përditësim i Microsoftit e ka eliminuar një kërkesë të tillë.