Android do të mbështes teknologjinë Flash

[MAJDI]

Inxhinieri kryesor në projektin Android ka deklaruar se versioni i radhës i sistemit operativ të kompanisë Google do të mbështes teknologjinë e Flash Adobe Systems.



Andy Rubin është zëvendëskryetar i njësisë inxhinierike e cila zhvillon sistemin operativ Android. Në një intervistë për gazetën prestigjioze amerikane “New York Times” ai ka thënë se Android 2.2, me emër kodues Froyo, do të ketë mbështetje për teknologjinë Flash të kompanisë Adobe.

Kjo deklaratë e tij vjen vetëm disa ditë pasi që Apple në tërësi ka hequr dorë nga teknologjia Flash. Siç dihet, iPhone e iPad nuk mbështetin Flash-in, e sipas informatave të fundit nga Apple të cilat edhe ne ua kemi transmetuar ditë më parë, as që do ta mbështes ndonjëherë këtë teknologji.

Rubin konsideron se nuk duhet që dikush të këmbëngul kundër disa teknologjive në të cilat përdoruesit kënaqen dhe i shfrytëzojnë në masë të madhe. Aktualisht Flash përdoret në shumë faqe të internetit, për përpunim të lojërave, animacioneve, për përpunim online të fotografive si dhe për shumë funksione tjera. T’ua largosh përdoruesve tuaj këtë mundësi nuk është një veprim i mençur, ka vlerësuar Rubi.

Versioni i ri i Flash me shenjën dalluese 10.1 pritet të paraqitet në fund të muajit qershor të këtij viti. Supozohet se pikërisht ky version do t’ia hap dyert kësaj teknologjie për në telefonat e mençur. Sistemet operative mobile BlackBerry OS, Android, Symbian, WebOS e Windows Phone 7 do të duhej të mbështesnin versionin Flash 10.1.

[ReniX]

Gje e mire! Dhe pse jane te pakta aplikacionet flash, por videot ne internet eshte e doemosdoshme.