Mundësi të reja të shërbimit Hotmail

[Kliton]

Rritja e shpejtë e numrit të përdoruesve të Google Gmail si dhe fakti që në Shtetet e Bashkuara të Amerikës numri më i madh i përdoruesve shfrytëzojnë shërbimin Yahoo shtyjnë kompaninë Microsoft që të ndërmerr hapa të caktuar. Hapi i fundit i kompanisë është përditësimi i mundësive të shërbimit Hotmail.

Microsoft Hotmail Webmail është shërbimi me numrin më të madh të përdoruesve në botë. Aktualisht janë të regjistruar pothuajse 350 milionë llogari në mbarë botën, mirëpo kompaninë e brengos e dhëna se numri i rritjes së përdoruesve është ngadalësuar me kalimin e viteve. Konkurrentët në këtë fushë shënojnë rezultate më të mira që shtyn Microsoftin të bëj diçka në lidhje me këtë.
Sipas paralajmërimeve, Hotmail bëhet me dy ndryshime kryesore – mundësi më të mira të manipulimit me fotografi dhe dosjeve të paketës softuerike për zyre, Office, brenda vet konfiguracionit të webmailit.




Sa i përket fotografive, Microsoft në vend të dërgimit klasik të fotografive do të ofrojë ngarkimin e tyre edhe në shërbimin e vet për ruajtje të fotografive Microsoft SkyDrive si dhe dërgimin e lidhjes së internetit në vend të vet fotografisë. Në të njëjtën kohë, Microsoft në shërbimin e vet integron edhe mundësinë e shfletimit të fotografive dhe video materialeve nga shërbimet e palëve të treta, si Flickr, SmugMug, Hulu e YouTube. Ndryshimet brenda Hotmailit do të duhej të fillojnë të shihen gjatë korrikut e gushtit të këtij viti.